с. Усть-Нем

Виччысям воча кыв

Усть-Нем сиктын олӧ Александра Леонтьевна Литвинова, кодлӧн верӧсыс, Иван Архипович, 1942 вося гожӧмын пöгибнитӧма Великöй Oтeчественнӧй войналöн фронт вылын. Та йылысь Александра Леонтьевналы юӧртісны «похоронкаын».

Колины вояс. Öтчыд почтальон вайис пӧгибнитӧм салдатлӧн гӧтырлы Волгоградсянь воӧм письмӧ. Александра Леонтьевна весиг шемӧсмыліс: кодсянь?

Письмӧсӧ гижис вӧвлӧм командир Анастас Кириллович Волынчук, коді ӧні олӧ Волгоградын. Гижис, мый вир кисьтана войнаын сійӧ колис ловйӧн да сетіс аслыс кыв юӧртны пӧгибнитӧм ёртъяс йывсьыс налӧн семьяяслы.

Тадз заводитчис война вылӧ усьӧм салдатлӧн семьякӧд вӧвлӧм командирлӧн ёртасьӧм. Öти письмӧын сійӧ гижис Иван Архиповичлӧн пӧгибнитöм йылысь со мый:

«Иван Архипович вӧлі артиллеристӧн. 1942 воын август 9-ӧд лунся асылӧ завтракайтігӧн серам сорӧн шуис: «Талун няньӧс ставнас сёя, мед фашистъясӧс нӧйтны вынӧй лоӧ унджык. А пöгибнита кӧ, пӧтӧн кула…».

Войнаыд — война и эм: он тöд, мый тэнӧ виччысьӧ талун. Тадз лои и Иван Архиповичкӧд. Завтракайтӧм бӧрын регыд немвиччысьтӧг пансис врагкӧд пӧсь тыш, пӧгибнитісны 77 морт, 150-öс ранитісны. Пӧгибнитӧмаяс лыдын вӧлі и И.А. Литвинов. Ставнысӧ гуалісны братскöй гуӧ Назимово станция дорын».

А.К. Волынчуксянь письмӧяс воӧны и краеведъяслӧн кружокӧ. Бӧръя письмӧын ми сійӧс чолӧмалім Победа лунӧн. Öні виччысям Волгоградсянь воча кыв.

Л. БАРАНЕНКО,

Усть-Немса шӧр школаысь краеведъяслӧн кружокысь староста.

Ленин туйöд, 1985.

 © Усть-Куломская межпоселенческая библиотека